തിരുവനന്തപുരം : ന്യൂനമര്ദത്തെ തുടര്ന്ന് സംസ്ഥാനത്ത് മഴ വീണ്ടും ശക്തമാകുമെന്ന് മുന്നറിയിപ്പ്. ചൊവ്വ, ബുധന് ദിവസങ്ങളില് ഏഴു ജില്ലകളില് ഓറഞ്ച് അലര്ട്ട് പ്രഖ്യാപിച്ചു. തിരുവനന്തപുരം മുതല് എറണാകുളം വരെയുള്ള ജില്ലകളിലാണ് ഓറഞ്ച് അലര്ട്ട്.
ശക്തമായ കാറ്റിനും ഒറ്റപ്പെട്ട സ്ഥലങ്ങളില് ഇടിമിന്നലോട് കൂടിയ ശക്തമായ മഴയ്ക്കും സാധ്യതയുണ്ട്. ബംഗാള് ഉള്ക്കടലില് രൂപം കൊണ്ട ന്യുനമര്ദം അടുത്ത 48 മണിക്കൂറിനുളളില് തെക്കുകിഴക്കന് അറബിക്കടലിലേക്ക് പ്രവേശിക്കുന്നത് മുന്നിര്ത്തിയാണ് കാലാവസ്ഥ വകുപ്പിന്റെ മുന്നറിയിപ്പ്. ബുധനാഴ്ച വരെ മല്സ്യബന്ധനത്തിന് വിലക്കേര്പെടുത്തി.