മൈസൂരു : കളിക്കുന്നതിനിടെ ഉന്തുവണ്ടിയിലെ ഐസ്ക്രീം പെട്ടിയില് ഒളിച്ച രണ്ട് കുട്ടികള് ശ്വാസംമുട്ടി മരിച്ചു.
മൈസൂരു നഞ്ചന്ഗോഡിലെ മസാഗെ ഗ്രാമത്തിലാണ് ദാരുണസംഭവം. കാവ്യ നായക് (5), ഭാഗ്യ നായക (11) എന്നിവരാണ് മരിച്ചത്. മറ്റുകുട്ടികള്ക്കൊപ്പം കളിച്ചുകൊണ്ടിരുന്ന ഇവര് അവിടെ ഉണ്ടായിരുന്ന ഉന്തുവണ്ടിയിലെ ഐസ്ക്രീം പെട്ടിയില് കയറി ഒളിക്കുകയായിരുന്നു. ഇരുവരും ഐസ്ക്രീം പെട്ടിക്കുള്ളില് കയറിയത് ഒപ്പം കളിച്ചിരുന്ന മറ്റുകുട്ടികള് കണ്ടിരുന്നില്ല. പെട്ടിക്കുള്ളില് കയറിയ കുട്ടികള് പുറത്തിറങ്ങാന് കഴിയാതെ ശ്വാസംമുട്ടി മരിക്കുകയായിരുന്നുവെന്ന് പോലീസ് പറയുന്നു. ഐസ്ക്രീം കച്ചവടക്കാരന് ആറുമാസം മുമ്പ് ബെംഗളൂരുവിലേക്ക് പോയതിനാല് ഉന്തുവണ്ടി റോഡരികില് ഉപേക്ഷിച്ചനിലയിലായിരുന്നു. ഭാഗ്യയുടെ വീടിന് സമീപമായിരുന്നു ഉന്തുവണ്ടി നിര്ത്തിയിട്ടിരുന്നത്.
