പെരിന്തല്മണ്ണ : മസ്ക്കറ്റില് നിന്ന് കരിപ്പൂരിലേക്ക് വന്ന ചാര്ട്ടേഡ് വിമാനത്തില് യുവതിക്ക് നേരെ ലൈംഗികാതിക്രമം. പെരിന്തല്മണ്ണ സ്വദേശിക്കെതിരെ യുവതി പരാതി നല്കി. ഗള്ഫ് നാടുകളില് കുടുങ്ങിക്കിടക്കുന്ന മലയാളികളെ നാട്ടിലെത്തിക്കാന് വിവിധ പ്രവാസി സംഘടനകള് ഇടപെട്ട് ചാര്ട്ടേഡ് വിമാനങ്ങള് ഏര്പ്പെടുത്തിയിരുന്നു.
പുലര്ച്ചെ 4.30നാണ് വിമാനം കരിപ്പൂരിലെത്തിയത്. മസ്ക്കറ്റില് നിന്ന് വിമാനം പറന്നുയര്ന്ന് വൈകാതെ വിമാനത്തിനുള്ളിലെ ലൈറ്റ് ഓഫ് ചെയ്തിരുന്നു. ഇതിനു പിന്നാലെയാണ് തൊട്ടടുത്ത സീറ്റിലിരുന്നയാള് ഉപദ്രവിക്കാന് തുടങ്ങിയത്. കരിപ്പൂരിലിറങ്ങിയ ശേഷം യുവതി പരാതി നല്കി. കരിപ്പൂര് പോലീസ് അന്വേഷണം ആരംഭിച്ചു.