റാന്നി: കഴിഞ്ഞ ദിവസം പമ്പാനദിയിലെ ഒഴുക്കിലകപ്പെട്ടു കാണാതായ സഹകരണ ബാങ്ക് ജീവനക്കാരൻ റെജിക്കായുള്ള തെരച്ചില് ഇന്നും വിഫലമായി. തിങ്കളാഴ്ച രാവിലെ ഏഴരയോടെയാണ് നാറാണംമൂഴി സർവീസ് സഹകരണ ബാങ്കില് സെയിൽസ് മാനായി ജോലി ചെയ്തു വരുകയായിരുന്ന അത്തിക്കയം സ്വദേശി ചീങ്കയിൽ സി.ജെ റെജി (52) പമ്പാനദിയില് ഒഴുക്കിലകപ്പെട്ടത്. തന്റെ വീടിനു പുറകിലൂടെ ഒഴുകുന്ന നദിയില് റെജി ചാടിയതായാണ് സൂചന. റാന്നി അഗ്നിശമന സേനയും സ്കൂബാഡൈവിംങ് ടീമും നാട്ടുകാരും രണ്ടു ദിവസമായി നടത്തുന്ന തെരച്ചിലില് ഇതുവരെയും കണ്ടു കിട്ടിയിട്ടില്ല. പ്രദേശത്തു ശക്തമായ മഴ പെയ്യുന്നതിനാൽ പുഴയിൽ നീരൊഴുക്കും കൂടുതലാണ്. തോരാത്ത മഴയും തെളിച്ചമില്ലാത്ത വെള്ളവും തെരച്ചിലിനെ സാരമായി ബാധിക്കുന്നുണ്ട്. ഭാര്യ: സിനി, മക്കൾ: മെറിന്, റെമിൻ.
