പൊന്നാനി : പൊന്നാനിയില് ഫൈബര് വള്ളം അപകടത്തില് പെട്ട് കാണാതായതില് ഒരാളുടെ മൃതദേഹം കണ്ടെത്തി. താനൂര് സ്വദേശി ഉബൈദിന്റെ മൃതദേഹമാണ് കണ്ടെത്തിയത്.
അറബിക്കടലില് നോര്ത്ത് 53 ദിശയില് കോസ്റ്റ് ഗാര്ഡ് ബോട്ടാണ് മൃതദേഹം കണ്ടെത്തിയത്. ഇനി രണ്ട് പേരെ കൂടി കണ്ടെത്താനുണ്ട്. ഇവര്ക്കായി കോസ്റ്റ് ഗാര്ഡിന്റെ എയര്ക്രാഫ്റ്റും മറൈന് എന്ഫോഴ്സ്മെന്റും ഫിഷറീസ് ഡിപ്പാര്ട്ടുന്റും സംയുക്തമായി തിരച്ചില് നടത്തുകയാണ്. ഇതിന് പുറമേ മത്സ്യത്തൊഴിലാളികളും സംഘങ്ങളായി തിരിഞ്ഞ് തിരച്ചില് വ്യാപകമാക്കി.
അതേസമയം ഇന്നലെ രാത്രിയില് രക്ഷാപ്രവര്ത്തനത്തിറങ്ങിയ ഫിഷറീസ് സുരക്ഷാ ബോട്ടിന്റെ ബെല്റ്റ് പൊട്ടി അപകടത്തില് പെട്ടു. പിന്നീട് മറ്റൊരു ബോട്ട് ഉപയോഗിച്ചാണ് ഇത് കരയ്ക്ക് എത്തിച്ചത്.
