കൊല്ലം : കാണാതായ വിദ്യാര്ത്ഥിയുടെ മൃതദേഹം കണ്ടെത്തി. അമൃതപുരി പറയകടവ് കല്ലുമ്മൂട്ടില് വീട്ടില് സുജിചന്ദ്രന് – പ്രവീണ ദമ്പതികളുടെ മകന് ഏകനാഥ് (18) മൃതദേഹമാണ് കടല്തീരത്ത് നിന്ന് കണ്ടെത്തിയത്. തിങ്കളാഴ്ച രാവിലെ 4.30 ഓടെ അമൃതാനന്ദമയി ആശ്രമത്തിന് മുന്നിലുള്ള വീട്ടില് നിന്നും പ്രഭാത സവാരിയ്ക്ക് പോയതായിരുന്നു. പിന്നീട് വിദ്യാര്ത്ഥിയെക്കുറിച്ച് യാതൊരു വിവരവും ലഭിച്ചിരുന്നില്ല. തുടര്ന്ന് തിരച്ചില് വ്യാപകമാക്കിയിരുന്നു. മൃതദേഹം ആശുപത്രിയിലേക്ക് മാറ്റി.
