കൊല്ലങ്കോട് : വട്ടേക്കാട്ടില്‍ വീട്ടില്‍ നിന്നും കാണാതായ യുവാവിനെ പുഴയ്ക്കരികില്‍ മരിച്ച നിലയില്‍ കണ്ടെത്തി. തൂറ്റിപ്പാടം തറവാന്‍തോട് രമേശിന്റെ മകന്‍ അരുണി (27)നെ ആണ് മരിച്ച നിലയില്‍ കണ്ടെത്തിയത്. ഇന്നലെ രാവിലെ പത്ത് മണിയോടെ കൊല്ലങ്കോട് ഗായത്രി പുഴയ്ക്കു സമീപത്താണ് യുവാവിനെ മരിച്ച നിലയില്‍ കണ്ടെത്തിയത്. ബുധനാഴ്ച ഉച്ചയ്ക്കു ശേഷമാണ് യുവാവിനെ കാണാതായത്. തുടര്‍ന്ന്, വീട്ടുകാര്‍ നല്‍കിയ പരാതിയുടെ അടിസ്ഥാനത്തില്‍ പോലീസ് അന്വേഷണം നടത്തുന്നതിനിടെയാണ് മൃതദേഹം കണ്ടെത്തിയത്. കൊല്ലങ്കോട് പോലീസ് ഇന്‍ക്വസ്റ്റിനു ശേഷം മൃതദേഹം ബന്ധുക്കള്‍ക്ക് വിട്ടു കൊടുത്തു.
