മുംബൈ : ബോളിവുഡ് താരം ബ്രഹ്മ മിശ്ര മരിച്ച നിലയില്. മുംബൈ സബര്ബന് വെര്സോവയിലെ വീട്ടിലാണ് ബ്രഹ്മ മിശ്രയെ മരിച്ച നിലയില് കണ്ടെത്തിയത്. 30 വയസ്സാണ് പ്രായം. പ്രശസ്തമായ വെബ് സീരിസ് മിര്സാപൂരിലൂടെയാണ് ബ്രഹ്മ മിശ്ര ശ്രദ്ധേയനാകുന്നത്. മിര്സാപൂരില് ബ്രഹ്മ മിശ്ര അവതരിപ്പിച്ച ലളിത് എന്ന കഥാപാത്രം കയ്യടി നേടിയിരുന്നു.
ഹൃദയാഘാതമാണ് മരണകാരണം എന്നാണ് കരുതുന്നതെന്ന് പോലീസ് വ്യക്തമാക്കി. പോസ്റ്റ്മോര്ട്ടം റിപ്പോര്ട്ട് പുറത്ത് വന്നാല് മാത്രമേ മരണ കാരണത്തില് കൂടുതല് വ്യക്തത വരികയുളളൂ. മുംബൈയിലെ വീട്ടില് താരം തനിച്ചായിരുന്നു താമസിച്ചിരുന്നത്. വീട്ടിലെ കുളിമുറിയിലാണ് ബ്രഹ്മയെ മരിച്ച നിലയില് കണ്ടെത്തിയത്. ബ്രഹ്മയുടെ അപ്പാര്ട്ട്മെന്റ് അകത്ത് നിന്ന് പൂട്ടിയ നിലയില് ആയിരുന്നു. അപകട മരണത്തിന് പോലീസ് കേസെടുത്തിട്ടുണ്ട്.
