ചെന്നൈ : ജനവിരുദ്ധ നയങ്ങള് നടപ്പിലാക്കുന്ന ലക്ഷദ്വീപ് അഡ്മിനിസ്ട്രേറ്റര് പ്രഫുല് കെ. പട്ടേലിനെ തിരിച്ചുവിളിക്കണമെന്നാവശ്യപ്പെട്ട് തമിഴ്നാട് മുഖ്യമന്ത്രി എം.കെ സ്റ്റാലിന്. മുസ്ലിങ്ങളെ ഒറ്റപ്പെടുത്താനുള്ള ശ്രമമാണെന്നും ജനവിരുദ്ധ നിയമങ്ങള് അടിച്ചേല്പ്പിക്കുകയാണെന്നും സ്റ്റാലിന് ട്വീറ്റ് ചെയ്തു.
ജനവിരുദ്ധ നിയമങ്ങള് ബലപ്രയോഗത്തിലൂടെ നടപ്പാക്കാനും അവിടെ താമസിക്കുന്ന മുസ്ലിങ്ങളെ ഒറ്റപ്പെടുത്താനും ശ്രമിക്കുന്ന പ്രഫുല് കെ. പട്ടേലിനെ പ്രധാനമന്ത്രി തിരിച്ചുവിളിക്കുക. വൈവിധ്യമാണ് രാജ്യത്തിന്റെ ശക്തി – സ്റ്റാലിന് ട്വീറ്റ് ചെയ്തു. എം.ഡി.എം.കെ നേതാവ് വൈക്കോയും ലക്ഷദ്വീപിലെ ജനങ്ങള്ക്ക് പിന്തുണയുമായെത്തി. ലക്ഷദ്വീപ് വാസികളുടെ അടിസ്ഥാന അവകാശത്തിനു മേലുള്ള കടന്നുകയറ്റമാണ് നടക്കുന്നതെന്ന് വൈക്കോ പറഞ്ഞു.
