തിരുവനന്തപുരം: എം.എം. മണിക്കെതിരായ അധിക്ഷേപത്തില് ഖേദപ്രകടനം നടത്തി മഹിളാ കോണ്ഗ്രസ് തിരുവനന്തപുരം ജില്ലാ കമ്മിറ്റി. നേതൃത്വത്തിന്റെ തീരുമാനപ്രകാരം ആയിരുന്നില്ല ബോര്ഡ് വെച്ചതെന്നും സംഭവത്തില് നിര്വ്യാജം ഖേദിക്കുന്നുവെന്നും ജില്ലാ കമ്മിറ്റി അറിയിച്ചു. കെ.കെ. രമയ്ക്കെതിരായ എം.എം. മണിയുടെ വിവാദ പരാമര്ശത്തില് പ്രതിഷേധിച്ച് മഹിളാ കോണ്ഗ്രസ് തിരുവനന്തപുരം ജില്ലാ കമ്മിറ്റി സംഘടിപ്പിച്ച നിയമസഭ പ്രതിഷേധ മാര്ച്ചിനിടെയാണ് സംഭവം നടന്നത്. ചിമ്പാന്സിയുടെ ചിത്രത്തില് എം.എം. മണിയുടെ ഫോട്ടോ പതിപ്പിച്ചാണ് പ്രവര്ത്തകര് പ്രതിഷേധിച്ചത്. പ്രതിഷേധം വിവാദമായതിനെ തുടര്ന്ന് പ്രവര്ത്തകര് ഫ്ളക്സ് ഒളിപ്പിച്ചിരുന്നു.
