തൊടുപുഴ: എന്തുവൃത്തികേടും ചെയ്യുന്ന പ്രധാനമന്ത്രിയാണ് മോദിയെന്ന് സിപിഎം നേതാവും എംഎല്എയുമായ എംഎം മണി. കോണ്ഗ്രസ് നേതാവ് രാഹുല് ഗാന്ധിയെ എംപി സ്ഥാനത്തുനിന്ന് അയോഗ്യനാക്കിയ നടപടിക്കെതിരെ എംഎം മണി രംഗത്ത് വന്നിരിക്കുന്നത്. രാഹുല് ഗാന്ധിയെ ശിക്ഷിച്ചത് അസംബന്ധമാണെന്നും ശിക്ഷക്ക് ഒരു ന്യായവുമില്ലെന്നും എംഎം മണി പറഞ്ഞു. രാഹുല് ഗാന്ധിക്കെതിരായ ശിക്ഷ ജനാധിപത്യവിരുദ്ധമാണ്. മുഖ്യമന്ത്രിയായിരുന്നപ്പോള് ആയിരക്കണക്കിന് മുസ്ലീങ്ങളെ കൊല്ലാന് കൂട്ടുനിന്ന ആളാണ്. കൊലക്കേസിലെ പ്രതികളെ മോചിപ്പിച്ച ആളാണെന്നും അദ്ദേഹം കുറ്റപ്പെടുത്തി.
രാജ്യം വലിയ കുഴപ്പത്തിലാണെന്നും എല്ലാ വിഭാഗവും പ്രതിഷേധിക്കണമെന്നും അദ്ദേഹം പറഞ്ഞു. ഗാന്ധിയെ കൊന്നതിനെ ന്യായീകരിക്കുന്ന കള്ളപ്പരിശകളാണ് ഇവര്. ഇവരില് നിന്ന് വേറെയെന്താണ് പ്രതീക്ഷിക്കുന്നത്. മാര്പാപ്പയെ അവിടെപ്പോയി കെട്ടിപ്പിടിക്കും. അനുയായികളെ ഇവിടെ കൊന്നുകുഴിച്ചുമൂടുന്ന പണിയാണ് അയാള് ചെയ്തുകൊണ്ടിരിക്കുന്നത്. അയാളെ വിമര്ശിക്കുകയല്ലാതെ എന്താണ് ചെയ്യേണ്ടതെന്നും മണി പറഞ്ഞു.
