പത്തനംതിട്ട : കോവിഡ് മഹാമാരിയുടെ പശ്ചാത്തലത്തിൽ കേരളം മുഴുവൻ ലോക്ക് ഡൗൺ ആയിരിക്കെ പത്തനംതിട്ടയിലെ ഫ്ലിപ്കാർട്ട് മൊബൈൽ ഹബ്ബ് ആവിശ്യ സാധനങ്ങൾ വിതരണം ചെയ്യുന്നു എന്ന വ്യാജേനെ ഇലക്ട്രോണിക്സ് സാധനങ്ങൾ വിതരണം ചെയ്തതിനെത്തുടര്ന്ന് പോലീസ് കേസെടുത്തു. ലോക്ക് ഡൗൺ ലംഘനം അറിഞ്ഞ് സ്ഥലത്തെത്തിയ പോലീസ് സ്ഥാപനത്തിലെ സാധനങ്ങളും രേഖകളും പരിശോധിച്ചു. തെളിവായി ഹാജരാക്കിയ രേഖകളും സാധനങ്ങളും വ്യാജമാണെന്ന് കണ്ടെത്തിയതിന്റെ അടിസ്ഥാനത്തില് പോലീസ് കേസെടുക്കുകയായിരുന്നു.
ഫ്ലിപ്കാർട്ട് മൊബൈൽ ഹബ്ബ് നടത്തിവന്ന നിയമലംഘനം ശ്രദ്ധയില്പ്പെട്ട പത്തനംതിട്ട ജില്ലയിലെ എം.പി.ആര്.എ.കെ (മൊബൈൽ ഫോൺ റീടൈലേഴ്സ് അസോസിയേഷൻ കേരള) ജില്ലാ കമ്മറ്റിയുടെ നേതൃത്വത്തിൽ പ്രസിഡന്റ് മുഹമ്മദ് ഫാറൂഖ്, വൈസ് പ്രസിഡന്റ് ഷാജിൽ, കമ്മറ്റി അംഗങ്ങളായ ആഷിഖ്, കണ്ണൻ, ടെനി ചാക്കോ എന്നിവരുടെ നേതൃത്വത്തിൽ സ്ഥലം സന്ദർശിക്കുകയും പോലീസിനെ വിവരം അറിയിക്കുകയുമായിരുന്നു.