ദില്ലി : മോഡേണ വാക്സീൻ ഇന്ത്യയിലെത്തിക്കുന്നതിന് ഇളവുകൾ തേടി പ്രമുഖ മരുന്നു നിർമ്മാണ കമ്പനി സിപ്ല കേന്ദ്ര സർക്കാരിനെ സമീപിച്ചു. വാക്സീൻ മൂലമുള്ള വിപരീതഫലങ്ങളിൽ നഷ്ടപരിഹാര ബാധ്യതയിൽ നിന്ന് ഒഴിവാക്കുക, വില നിയന്ത്രണം ബാധകമാക്കാതിരിക്കുക, ട്രയൽ നിബന്ധനകളിൽ ഇളവ് അനുവദിക്കുക തുടങ്ങിയ ആവശ്യങ്ങളാണ് മോഡേണയ്ക്കായി ഉന്നയിച്ചിരിക്കുന്നത്. യുഎസിലെ തന്നെ ഫൈസർ വാക്സീനും സമാന ആവശ്യങ്ങൾ സർക്കാരിനു മുന്നിൽ വെച്ചിട്ടുണ്ടെങ്കിലും അന്തിമ തീരുമാനമായിരുന്നില്ല.
