ന്യൂഡല്ഹി : പ്രധാനമന്ത്രി നരേന്ദ്രമോദിയുടെ ഈ മാസത്തെ പഞ്ചാബ് സന്ദര്ശനത്തിനിടെ സുരക്ഷാ വീഴ്ചയുമായി ബന്ധപ്പെട്ട കേസില് ഏഴ് ദിവസത്തിനിടെ രണ്ടാം തവണയും ഖാലിസ്ഥാന് അനുകൂല സംഘടനയായ സിഖ് ഫോര് ജസ്റ്റിസില് നിന്ന് ഭീഷണി ഫോണ് കോളുകള് ലഭിച്ചതായി സുപ്രീം കോടതി അഭിഭാഷകര് പറഞ്ഞു. പഞ്ചാബിലെ ഫിറോസ്പൂര് ജില്ലയിലെ ഒരു മേല്പ്പാലത്തില് പ്രധാനമന്ത്രിയുടെ വാഹനവ്യൂഹം 20 മിനിറ്റോളം കുടുങ്ങിയ സാഹചര്യങ്ങളെക്കുറിച്ച് സ്വതന്ത്ര അന്വേഷണത്തിന് നേതൃത്വം നല്കാന് ജസ്റ്റിസ് മല്ഹോത്രയെ തിരഞ്ഞെടുത്തു. അതിന് ശേഷം നിരവധി അഭിഭാഷകര്ക്കാണ് ഭീഷണി കോളുകള് വരുന്നത്. ജനുവരി 5 ന്, ഫിറോസ്പൂരില് പ്രതിഷേധക്കാരുടെ ഉപരോധത്തെത്തുടര്ന്ന് പ്രധാനമന്ത്രി മോദിയുടെ വാഹനവ്യൂഹം ഒരു ഫ്ലൈ ഓവറില് കുടുങ്ങി, അതിനുശേഷം അദ്ദേഹം തിരഞ്ഞെടുപ്പ് റാലി ഉള്പ്പെടെ ഒരു പരിപാടിയിലും പങ്കെടുക്കാതെ മടങ്ങി. പഞ്ചാബ് സര്ക്കാരും കേന്ദ്രവും അന്വേഷണത്തിന് ഉത്തരവിട്ടെങ്കിലും ജസ്റ്റിസ് മല്ഹോത്രയുടെ നേതൃത്വത്തിലുള്ള സമിതി രൂപീകരിച്ചതിനെത്തുടര്ന്ന് സുപ്രീം കോടതി ഇത് താല്ക്കാലികമായി നിര്ത്തിവച്ചു.
