മലപ്പുറം : നിരവധി മോഷണ കേസുകളിലും സാമ്പത്തിക തട്ടിപ്പ് കേസുകളിലും പ്രതിയായി 25 വര്ഷമായി ഒളിവില് കഴിഞ്ഞുവരുകയായിരുന്നയാള് പിടിയിലായി. അരീക്കോട് മൂര്ക്കനാട് സ്വദേശി മോളയില് അബ്ദുല് റഷീദിനെയാണ് മലപ്പുറം പോലീസ് തമിഴ്നാട്ടിലെ ഉക്കടയില് നിന്ന് പിടികൂടിയത്. തമിഴ്നാട് കര്ണാടക, സംസ്ഥാനങ്ങളിലാണ് ഇയാളുടെ പേരില് കേസുകള് ഉള്ളത്.
പ്രതി വ്യത്യസ്ത പേരുകളിലായി വിവിധ സ്ഥലങ്ങളില് ഒളിവില് കഴിയുകയായിരുന്നു ഇത്രയും നാളും. പ്രതിക്കെതിരെ മലപ്പുറം ജില്ലയിലെ മഞ്ചേരി, അരീക്കോട്, കൊണ്ടോട്ടി, എടവണ്ണ, തിരൂരങ്ങാടി, വാഴക്കാട് പോലീസ് സ്റ്റേഷനുകളിലും എറണാകുളം, തൃശൂര് ജില്ലകളിലുമായി 15 കേസുകളുണ്ട്. അടുത്ത കാലത്തായി പിടികിട്ടാപ്പുള്ളികളെ പിടികൂടുന്നതിനായി മലപ്പുറം ജില്ലാ പോലീസ് മേധാവി സുജിത്ത് ദാസ് പ്രത്യേക അന്വേഷണ സംഘം രൂപീകരിച്ചിരുന്നു. മലപ്പുറം ഡി.വൈ.എസ്.പി പ്രദീപിന്റെ നിര്ദേശ പ്രകാരം മലപ്പുറം പോലീസ് ഇന്സ്പെക്ടര് ജോബി തോമസും പ്രത്യേക അന്വേഷണ ടീം അംഗങ്ങളായ എസ്.ഐ. എം. ഗിരീഷ്, പി. സഞ്ജീവ്, ഐ.കെ. ദിനേഷ്, പി. മുഹമ്മദ് സലീം, കെ.പി ഹമീദലി, ജസീര് എന്നിവര് ചേര്ന്നാണ് പ്രതിയെ പിടികൂടിയത്.
