കോന്നി : വീട്ടമ്മയുടെ പണം അപഹരിച്ച നാടോടി സ്ത്രീകളെ പിടികൂടി. വ്യാഴാഴ്ച രാവിലെ ആയിരുന്നു സംഭവം നടന്നത്. പത്തനംതിട്ടയിൽ നിന്നും കോന്നിയിലേക്ക് വന്ന വീട്ടമ്മ കോന്നിയിൽ ബസ് ഇറങ്ങിയതിന് ശേഷമാണ് തന്റെ ബാഗ് തുറന്ന് കിടക്കുന്നത് കണ്ടത്. ബാഗിൽ ഉണ്ടായിരുന്ന 25000 രൂപ നഷ്ടപ്പെട്ടു എന്ന് മനസിലാക്കിയ വീട്ടമ്മ ബഹളം വെക്കുകയും തുടർന്ന് സമീപത്ത് ഉണ്ടായിരുന്ന സ്വകാര്യ ബസിന്റെ മാനേജർ നാടോടി സ്ത്രീകൾ നടന്ന് പോകുന്നത് കണ്ട് അവരാകാം മോഷ്ടിച്ചതെന്ന് സംശയം പ്രകടിപ്പിക്കുകയും ചെയ്തു. നാട്ടുകാർ ശ്രദ്ധിക്കുന്നത് കണ്ട് സ്ത്രീകൾ സമീപത്തെ ബേക്കറിയിലേക്ക് കയറിയതിനെ തുടർന്ന് യാത്രക്കാർ ഇടപ്പെട്ട് ഇവരെ തടഞ്ഞ് വെക്കുകയും കോന്നി പോലീസ് എത്തി നടത്തിയ പരിശോധനയിൽ പണം കണ്ടെത്തുകയമായിരുന്നു.
