അബുദാബി : യുദ്ധത്തിൽ പരിക്കേറ്റ കുട്ടികളും അർബുദരോഗികളും ഉൾപ്പെടുന്ന ഒമ്പതാമത്തെ സംഘം ചികിത്സയ്ക്കായി യു.എ.ഇ.യിലെത്തി. പരിക്കേറ്റ 1000 കുട്ടികൾക്കും 1000 അർബുദ രോഗികൾക്കും യു.എ.ഇ.യിൽ ചികിത്സനൽകാനുള്ള യു.എ.ഇ. പ്രസിഡന്റ് ശൈഖ് മുഹമ്മദ് ബിൻ സായിദ് അൽ നഹ്യാന്റെ നിർദേശത്തെത്തുടർന്നാണ് സംഘം അബുദാബിയിലെത്തിയത്.
യുദ്ധത്തിൽ പരിക്കേറ്റ 49 കുട്ടികളും അർബുദരോഗികളും അവരുടെ കുടുംബാംഗങ്ങളുമാണ് ബുധനാഴ്ച എത്തിയതെന്ന് ഫോറിൻ അഫയേഴ്സ് ഫോർ മെഡിക്കൽ ആൻഡ് ലൈഫ് സയൻസസ് അസിസ്റ്റന്റ് മിനിസ്റ്റർ ഡോ. മഹാ ബറക്കത്ത് വ്യക്തമാക്കി.
