ആലുവ : നാണയം വിഴുങ്ങി കുട്ടി മരിക്കാനിടയായ സംഭവത്തിൽ കുട്ടിയുടെ അമ്മ പ്രതിക്ഷേധ സമരം അവസാനിപ്പിച്ചു. കുട്ടിയുടെ അമ്മ ആലുവ ജില്ലാ ആശുപത്രിക്ക് മുന്നില് 35 ദിവസമായി നടത്തിവന്ന സമരമാണ് അവസാനിപ്പിച്ചച്ചത്. ചികിത്സാ പിഴവുണ്ടായോയെന്ന് മെഡിക്കല് ബോര്ഡ് പരിശോധിക്കുമെന്നും കുടുംബത്തിന് വന്ന ചികിത്സാ ചെലവ് പട്ടികജാതി വകുപ്പ് നല്കുമെന്നും ഉറപ്പ് ലഭിച്ചതോടെയാണ് സമരം അവസാനിപ്പിച്ചത്.
അമ്മയ്ക്ക് പട്ടിക ജാതി വകുപ്പിന് കീഴില് ഏതെങ്കിലും സ്ഥാപനത്തില് താല്ക്കാലിക ജോലി നല്കാനും ധാരണയായി. മൂന്ന് വയസുകാരന് പൃഥ്വിരാജിന്റെ മരണകാരണം ഇപ്പോഴും അവ്യക്തമാണ്. മൂന്ന് വയസുകാരന് മരിച്ചത് ശ്വാസതടസ്സം കാരണമെന്നാണ് രാസപരിശോധന ഫലം.
എന്നാല് നാണയം വിഴുങ്ങിയതല്ല മരണകാരണമെന്നാണ് പോസ്റ്റുമോര്ട്ടം റിപ്പോര്ട്ട്. യഥാര്ത്ഥ മരണകാരണം കണ്ടെത്തുന്നതില് സര്ക്കാരില് നിന്ന് ഉറപ്പ് കിട്ടണമെന്ന് ആവശ്യപ്പെട്ടാണ് കുട്ടിയുടെ അമ്മ നന്ദിനി സമരം തുടങ്ങിയത്.
