തിരുവനന്തപുരം : വനിതകള്ക്കുള്ള കേരള ആര്ട് ലവ്വേഴ്സ് അസോസിയേഷന് ‘കല ‘ യുടെ പ്രഥമ മദര് തെരേസ പുരസ്കാരം സിനിമാ താരം സീമ ജി നായര്ക്ക് സമ്മാനിക്കും. ഗവര്ണര് ആരിഫ് മുഹമ്മദ് ഖാന് 2021 സെപ്റ്റംബര് 21 ന് രാജ്ഭവനില് നടക്കുന്ന ചടങ്ങില് അവാര്ഡ് സമ്മാനിക്കും.
അന്പതിനായിരം രൂപയും ഫലകവും പ്രശസ്തിപത്രവും അടങ്ങുന്നതാണ് അവാര്ഡ്. നടി ശരണ്യയുടെ ജീവന് രക്ഷിക്കാന് സീമ ത്യാഗനിര്ഭരമായ പ്രവര്ത്തനം നടത്തിയെങ്കിലും സീമയുടെ കാരുണ്യത്തിന്റെയും കരുതലിന്റയും കൈപ്പിടിയില് നിന്ന് വഴുതി ശരണ്യ വിടപറഞ്ഞിട്ട് നാല്പത്തിയൊന്ന് ദിവസം തികയുന്ന നാളിലാണ് സീമയ്ക്ക് അവാര്ഡ് സമ്മാനിക്കപ്പെടുക.
കേരളത്തിലെ ജീവകാരുണ്യ പ്രവര്ത്തനങ്ങളില് മഹനീയ മാതൃകകള് സൃഷ്ടിക്കുന്ന വനിതകള്ക്കാണ് മദര് തെരേസ അവാര്ഡ് സമ്മാനിക്കുന്നതെന്ന് കേരള ആര്ട് ലവ്വേഴ്സ് അസോസിയേഷന് ‘കല ‘ യുടെ രക്ഷാധികാരിയും ദീപികയുടെ മുന് ഡയറക്ടറുമായ സുനില് ജോസഫ് കുഴമ്ബാല (ന്യൂയോര്ക്ക് ) , കലയുടെ ട്രസ്റ്റിയും വനിതാ കമ്മീഷന് അംഗവുമായ ഇ എം രാധ ,കലയുടെ മാനേജിങ് ട്രസ്റ്റി ലാലു ജോസഫ് എന്നിവര് അറിയിച്ചു.
