കൊച്ചി : നാര്ക്കോട്ടിക് ജിഹാദ് പരാമര്ശത്തില് പ്രതികരണവുമായി കര്ദ്ദിനാള് മാര് ജോര്ജ് ആലഞ്ചേരി. ബിഷപ്പിന്റെ വിവാദങ്ങള് അവസാനിപ്പിക്കണമെന്ന് അദ്ദേഹം പറഞ്ഞു. രാഷ്ട്രീയ- സമുദായ- മതനേതാക്കള് വിവാദങ്ങള് അവസാനിപ്പിക്കാന് നടത്തുന്ന ശ്രമങ്ങളോട് സഹകരിക്കണമെന്നും അദ്ദേഹം ആവശ്യപ്പെട്ടു.
വിവേകത്തോടെയും പരസ്പര ബഹുമാനത്തോടെയും മതവികാരങ്ങള് മുറിപ്പെടുത്തുന്ന കാര്യങ്ങളില് ചര്ച്ചകള് നടത്തി പരിഹരിക്കണമെന്നും മതസൗഹാര്ദ്ദത്തിനും, ഐക്യത്തിനും കോട്ടംതട്ടാന് അനുവദിക്കരുതെന്നും അദ്ദേഹം നിര്ദ്ദേശിച്ചു.
എല്ലാ മതങ്ങളോട് സഹകരിച്ചും, ബഹുമാനിക്കുസിച്ചും മുന്നോട്ട് പോകണമെന്നും ക്രൈസ്തവ സഭകളോ സഭ ശുശ്രൂഷകരോ സമൂഹത്തില് സംഘര്ഷം ഉണ്ടാക്കാന് ആഗ്രഹിക്കുന്നില്ലെന്നും സഭാംഗങ്ങള് ഈ നിലപാടില് നിന്ന് മാറാതിരിക്കാന് ശ്രദ്ധിക്കണമെന്നും അദ്ദേഹം പറഞ്ഞു.
