തിരുവനന്തപുരം : വാഹനത്തിന്റെ ഉളളിലെ കാഴ്ച മറയ്ക്കുന്ന തരത്തില് ഫിലിമും കര്ട്ടനുമിട്ട വാഹനങ്ങള്ക്കെതിരെ പരിശോധന കര്ശനമാക്കി മോട്ടോര് വാഹന വകുപ്പ്. ഇതിനായി ഓപ്പറേഷൻ സ്ക്രീൻ എന്ന പേരില് സംസ്ഥാനത്ത് ഇന്ന് മുതല് വ്യാപക പരിശോധന നടത്തും. ഫിലിമും കര്ട്ടനും നീക്കാത്ത വാഹനങ്ങളുടെ രജിസ്ട്രേഷൻ റദ്ദാക്കുന്നതടക്കമുളള നടപടികളുണ്ടാകും. നിയമലംഘകര്ക്ക് ഇ- ചെലാൻ വഴിയാകും പെറ്റി ചുമത്തുക. യാത്രക്കാര്ക്ക് ബുദ്ധിമുട്ടുണ്ടാകാത്ത വിധത്തിലായിരിക്കും പരിശോധനയെന്ന് മോട്ടോര് വാഹനവകുപ്പ് അറിയിച്ചു.
എന്നാല് ഇത് സാധാരണ ജനങ്ങളുടെമേല് കുതിരകയറാനുള്ള നീക്കമാണെന്ന് ആക്ഷേപം ഉയരുന്നു. ഫൈന് ഇടാക്കി സര്ക്കാരിന്റെ പെട്ടി നിറക്കാനുള്ള ശ്രമം വ്യാപക പ്രതിഷേധത്തിന് വഴിയൊരുക്കും. രാഷ്ട്രീയ നേതാക്കള്ക്കും ചില ഉദ്യോഗസ്ഥര്ക്കും ഈ നിയമം ബാധകമാവില്ലെന്ന നിലപാടായിരിക്കും മോട്ടോര് വാഹന വകുപ്പ് സ്വീകരിക്കുക. അതായത് വി.ഐ.പികളുടെ വണ്ടി കര്ട്ടന് ഇട്ടുതന്നെ ഓടും.