ഭോപ്പാല് : മധ്യപ്രദേശ് ക്യാബിനറ്റ് മന്ത്രി അരവിന്ദ് ബദോരിയയ്ക്ക് കോവിഡ് രോഗം സ്ഥിരീകരിച്ചു. ഇതേത്തുടര്ന്നു മന്ത്രിയെ ഇന്ന് പുലര്ച്ച രണ്ടോടെ ഭോപ്പാലിലെ സ്വകാര്യ ആശുപത്രിയിലേക്ക് മാറ്റി. ബുധനാഴ്ച നടന്ന മന്ത്രിസഭാ യോഗത്തില് ബദോരിയ പങ്കെടുത്തിരുന്നു. ചൊവ്വാഴ്ച ലക്നോവില് നടന്ന ഗവര്ണര് ലാല്ജി ടണ്ഠന്റെ ശവസംസ്കാര ചടങ്ങിലും അദ്ദേഹം പങ്കെടുത്തിരുന്നു. മന്ത്രിക്ക് കോവിഡ് സ്ഥിരീകരിച്ചതിനെ തുടര്ന്ന് മന്ത്രിയുമായി സമ്പര്ക്കത്തില് ഏര്പ്പെട്ടവര് നിരീക്ഷണത്തില് പോകാന് അധികൃതര് നിര്ദ്ദേശം നല്കി.