തിരുവനന്തപുരം : കേരളത്തില് ഒരു ദിവസം കോവിഡ് സ്ഥിരീകരിച്ചവരുടെ എണ്ണം ആയിരം പിന്നിടുമ്പോള്, അതിനെ രാഷ്ട്രീയ ആയുധമാക്കിയ ബിനീഷ് കോടിയേരിയ്ക്ക് മറുപടിയുമായി വി.ടി ബല്റാം. കേരളത്തില് കോവിഡ് രോഗികളുടെ എണ്ണം 1000 കഴിഞ്ഞതറിഞ്ഞ് കോണ്ഗ്രസ് നേതാക്കള് സന്തോഷിക്കുന്നുവെന്ന തരത്തില് മരണത്തിന്റെ വ്യാപാരികള് എന്നുവിളിച്ചു കൊണ്ടാണ് ബിനീഷ് കോടിയേരി ഫേസ്ബുക്കില് പോസ്റ്റ് ചെയ്തിരിക്കുന്നത്.
ഇതിന് പിന്നാലെ മറുപടിയുമായി വി.ടി ബല്റാം എം.എല്.എ രംഗത്തെത്തി. ‘ഇത്തരം ക്രൂരമായ ഒരു നറേറ്റീവ് സൃഷ്ടിച്ചെടുക്കാന് നോക്കുന്നതിലൂടെ എന്ത് നേട്ടമാണ് ഈ സൈക്കോകള്ക്ക് ഉണ്ടാവുന്നത്!
സ്വന്തം ഉള്ളിലെ വികൃതചിന്തകള് മറ്റുള്ളവര്ക്ക് മേല് ആരോപിച്ച് രക്ഷപ്പെടുന്ന മാടമ്പള്ളിയിലെ യഥാര്ത്ഥ മനോരോഗികളാണ് ഇത്തരക്കാര്’ എന്ന് ബല്റാം, ബിനീഷിന്റെ പോസ്റ്റിന്റെ സ്ക്രീന്ഷോട്ട് പങ്കുവെച്ചുകൊണ്ട് പ്രതികരിച്ചു.
