ന്യൂഡല്ഹി : സ്വവര്ഗ വിവാഹം നിയമവിധേയമാക്കുന്നതിനും ഭിന്നലിംഗക്കാര്ക്ക് അര്ഹമായ വൈവാഹിക അവകാശങ്ങള് നല്കുന്നതിനുമുള്ള സ്വകാര്യ ബില് പാര്ലമെന്റില് അവതരിപ്പിച്ച് നാഷനലിസ്റ്റ് കോണ്ഗ്രസ് പാര്ട്ടി (എന്.സി.പി) എം.പി സുപ്രിയ സുലെ. രണ്ട് പങ്കാളികളും പുരുഷന്മാരാണെങ്കില് വിവാഹപ്രായം 21 വയസും സ്ത്രീ പങ്കാളികള്ക്ക് 18 വയസും ആയി നിജപ്പെടുത്താന് ബില് നിര്ദ്ദേശിക്കുന്നു. 1954ലെ സ്പെഷ്യല് മാര്യേജ് ആക്ടിന്റെ വിവിധ വകുപ്പുകള് ഭേദഗതി ചെയ്തുകൊണ്ട് ‘ഭര്ത്താവ്’, ‘ഭാര്യ’ എന്നീ വാക്കുകള്ക്ക് പകരം ‘ഇണ’ എന്ന് മാറ്റണമെന്നും ബില് നിര്ദ്ദേശിക്കുന്നു. ബില് അവതരിപ്പിച്ചത് സംബന്ധിച്ച് വിശദമായി എം.പി ട്വിറ്ററില് വിവരം പങ്കുവെച്ചിട്ടുണ്ട്.
