തിരുവനന്തപുരം : ആലപ്പുഴ മെഡിക്കല്‍ കോളേജിലെ എംആര്‍ഐ സ്‌കാനിംഗിന്റെ നിരക്ക് കുറച്ചു. ആരോഗ്യമന്ത്രി വീണാ ജോര്‍ജിന്റെ നിര്‍ദേശത്തെ തുടര്‍ന്നാണ് നടപടി. എംആര്‍ഐ സ്കാനിംഗിന് ഈടാക്കിയിരുന്ന ഉയര്‍ന്ന നിരക്ക് കാരണം മെഡിക്കല്‍ കോളേജിലെത്തിയിരുന്ന രോഗികള്‍ വലഞ്ഞിരുന്നു. സംഭവത്തില്‍ നടപടി സ്വീകരിച്ചതായി മന്ത്രി ഫേസ്ബുക്കിലൂടെയും അറിയിച്ചിരുന്നു.
മന്ത്രി വീണ ജോര്‍ജിന്റെ ഫേസ്‌ബുക്ക് പോസ്റ്റ്
ആലപ്പുഴ മെഡിക്കല്‍ കോളേജിലെ എംആര്‍ഐ സ്‌കാനിംഗിന്റെ നിരക്ക് കുറച്ചു. നിലവിലുള്ള നിരക്കില്‍ നിന്നും ആയിരത്തോളം രൂപയാണ് കുറവ് വരുത്തിയത്. ആലപ്പുഴ മെഡിക്കല്‍ കോളേജ് സന്ദര്‍ശിക്കുന്ന സമയത്താണ് വിഷയം ശ്രദ്ധയില്‍പ്പെട്ടത്. വകുപ്പ് മേധാവികളുടെ യോഗത്തില്‍ ഇക്കാര്യങ്ങള്‍ ചര്‍ച്ച ചെയ്തു. മറ്റ് മെഡിക്കല്‍ കോളേജുകളുടെ നിരക്ക് കൂടി കണക്കിലെടുത്ത് കുറവ് വരുത്താന്‍ നിര്‍ദേശം നല്‍കി. സംഭവം ശ്രദ്ധയില്‍പ്പെട്ടതോടെയാണ് വിഷയത്തില്‍ അടിയന്തര നടപടി സ്വീകരിക്കാന്‍ മന്ത്രി തയ്യാറായത്. നിലവിലുള്ള നിരക്കില്‍ നിന്നും ആയിരം രൂപയോളമാണ് കുറവ് വരുത്തിയത്. മന്ത്രി ആലപ്പുഴ മെഡിക്കല്‍ കോളേജ് സന്ദര്‍ശിക്കുന്ന സമയത്ത് ഇക്കാര്യം ആരോഗ്യ വകുപ്പിലെ ഉന്നതര്‍ ശ്രദ്ധയില്‍പ്പെടുത്തിയിരുന്നു. വകുപ്പ് മേധാവികളുടെ യോഗത്തില്‍ ഇക്കാര്യങ്ങള്‍ ചര്‍ച്ച ചെയ്യുകയും ചെയ്തു. മറ്റ് മെഡിക്കല്‍ കോളേജുകളുടെ നിരക്ക് കൂടി കണക്കിലെടുത്താണ് കുറവ് വരുത്താന്‍ മന്ത്രി നിര്‍ദേശം നല്‍കിയത്. ഇതിനെ തുടര്‍ന്നാണ് വിവിധ എംആര്‍ഐ സ്‌കാനിംഗുകളുടെ നിരക്കില്‍ കുറവ് വരുത്തിയത്.
