ന്യൂ ഡൽഹി : അഖിലേന്ത്യാ ആർട്ടിസ്റ്റ് യൂണിയൻ കോൺഗ്രസ് പത്തനംതിട്ട ജില്ലാ പ്രസിഡന്റായി മൃദുൽ മധുവിനെ തെരഞ്ഞെടുത്തു . നിലവിൽ കോൺഗ്രസ് സേവാദൾ സംസ്ഥാന ഭാരവാഹി കൂടിയാണ് അദ്ദേഹം. കൂടാതെ അഖിലേന്ത്യ യൂത്ത് കോൺഗ്രസ്സ് ഇലന്തൂർ മണ്ഡലം കമ്മറ്റി പ്രസിഡൻറ് , രാജീവ് യൂത്ത് ഫൌണ്ടേഷൻ ജില്ലാ കോർഡിനേറ്റർ, അഖിലേന്ത്യാ കോൺഗ്രസ്സ് മാധ്യമ വോളണ്ടിയർ എന്നീ നിലകളിൽ പ്രവർത്തിച്ചു വരികയായിരുന്നു.
ഒരു ഡിജിറ്റൽ ആർട്ടിസ്റ്റും ആർട്ടിസ്റ്റിക് ഫോട്ടോഗ്രാഫറും കൂടിയാണ് മൃദുല്. സമൂഹത്തിൽ അറിയപ്പെടാതെ പോയ നിരവധി കലാകാരൻമാർ ജില്ലയിലുണ്ടെന്നും അവരെ കണ്ടെത്തി സംഘടനയുടെ കീഴിൽ കൊണ്ട് വരികയും അവര്ക്ക് വേണ്ട പ്രോത്സാഹനങ്ങള് നല്കുകയും ചെയ്യുമെന്ന് മൃദുല് പറഞ്ഞു.
