തിരുവനന്തപുരം: സ്വര്ണക്കള്ളക്കടത്ത് കേസില് സിപിഎമ്മിനെതിരെ രൂക്ഷവിമര്ശനവുമായി ബിജെപി നേതാവ് എം ടി രമേശ്. സിപിഎമ്മിന്റെ കൈയില് കള്ളക്കടത്ത് ലോബിയുടെ പണമാണ് ഉള്ളതെന്ന് അദ്ദേഹം പറഞ്ഞു. കേരളത്തിലെ സ്വര്ണക്കള്ളക്കടത്ത് സംഘമായി സിപിഎം മാറിയെന്നും, കള്ളക്കടത്ത് സംഘത്തിന്റെ ബിനാമികളായിട്ടാണ് സിപിഎം പ്രവര്ത്തിക്കുന്നതെന്നും എം ടി രമേശ് പറഞ്ഞു.
പിടിഎ റഹിമും കാരാട്ട് റസാഖും ഈ ലോബികളുടെ പ്രതിനിധികളാണെന്നും അദ്ദേഹം ആരോപിച്ചു. കോടിയേരി ബാലകൃഷ്ണനെയും ബിനീഷ് കോടിയേരിയെയും എം ടി രമേശ് വിമര്ശിച്ചു. സ്വര്ണക്കള്ളക്കടത്തുകാരന്റെ കാറില് അച്ഛന് യാത്ര നടത്തുബോള് , മകന് മയക്കുമരുന്ന് സംഘത്തിന്റെ കൂടെയാണെന്ന് എം ടി രമേശ് ആരോപിച്ചു. സിപിഎം കാരാട്ട് ഫൈസലിനെതിരെ എന്തുകൊണ്ടാണ് നടപടിയെടുക്കാത്തതെന്ന് അന്വേഷിക്കണമെന്നും അദ്ദേഹം പറഞ്ഞു.
