തിരുവനന്തപുരം : വി.ഡി സതീശന്റെ വനവാസ പ്രഖ്യാപനം അരാഷ്ട്രീയമാണെന്ന് മന്ത്രി മുഹമ്മദ് റിയാസ്. തെരഞ്ഞെടുപ്പ് പ്രവർത്തനമെന്നത് ജയവും തോൽവിയും നോക്കിയുള്ള ഒന്നല്ല. ഭരിക്കുകയാണെങ്കിൽ തുടരുക ഭരണമില്ലെങ്കിൽ രാഷ്ട്രീയ പ്രവർത്തനം അവസാനിപ്പിക്കുക എന്ന രീതി തീർത്തും അരാഷ്ട്രീയമാണ്. അത്തരം വാദത്തോട് യോജിപ്പില്ലയെന്നും റിയാസ്. മൊത്തം വോട്ട് ചെയ്തതിൽ 53 ശതമാനംപേരും സ്ത്രീകളാണ്. പുരുഷ വോട്ടർമാരെക്കാൾ ആറ് ശതമാനം അധികം സ്ത്രീകൾ വോട്ട് ചെയ്തിട്ടുണ്ട്.
ഇന്ത്യയിൽ ഇത്രയധികം സ്ത്രീ വോട്ടർമാരുടെ തോത് വർധിച്ച സംസ്ഥാനങ്ങളിലൊക്കെ സർക്കാരിന് അനുകൂലമായ വിധിയാണ് വന്നിട്ടുള്ളതെന്നും റിയാസ് പറഞ്ഞു. ബേപ്പൂരിൽ മികച്ച വിജയം നേടും. 2021ൽ കിട്ടിയതിനേക്കാൾ വോട്ട് ഇത്തവണ എൽഡിഎഫ് ബേപ്പൂരിൽ നേടും. തെരഞ്ഞെടുപ്പ് കഴിഞ്ഞ് ഭരണം പിടിക്കാൻ പേകുന്നുവെന്ന് പറഞ്ഞ് പണം പിരിക്കുകയാണ് യുഡിഎഫ് എന്നും പലരും ഇക്കാര്യം പറഞ്ഞിട്ടുണ്ടെന്നും മുഹമ്മദ് റിയാസ് പറഞ്ഞു.
