തിരുവനന്തപുരം : നിയമസഭാ തിരഞ്ഞെടുപ്പിലെ ഉജ്ജ്വല വിജയത്തിന് പിന്നാലെ പ്രതികരണവുമായി മുതിർന്ന കോൺഗ്രസ് നേതാവ് മുല്ലപ്പള്ളി രാമചന്ദ്രൻ. ഈ വിജയം നാടിന്റെ നാനാഭാഗങ്ങളിലുമുള്ള പതിനായിരക്കണക്കിന് കോൺഗ്രസ് പ്രവർത്തകർക്കും പാർട്ടിയെ വിജയിപ്പിക്കാൻ പരിശ്രമിച്ച സാധാരണക്കാരായ ജനങ്ങൾക്കും അവകാശപ്പെട്ടതാണെന്ന് അദ്ദേഹം പറഞ്ഞു. മുഖ്യമന്ത്രി പിണറായി വിജയനെതിരെയുള്ള ജനങ്ങളുടെ രൂക്ഷമായ അമർഷം ഒരു സുനാമി പോലെ ആഞ്ഞടിച്ചതാണ് ഈ വിജയത്തിന് പ്രധാന കാരണമായതെന്ന് അദ്ദേഹം വിലയിരുത്തി. മുഖ്യമന്ത്രിയെ തീരുമാനിക്കുന്നത് സംബന്ധിച്ച് അഖിലേന്ത്യ കോൺഗ്രസ് കമ്മിറ്റിക്ക് കൃത്യമായ കീഴ്വഴക്കങ്ങളും പാരമ്പര്യവുമുണ്ടെന്ന് മുല്ലപ്പള്ളി വ്യക്തമാക്കി. മുൻപ് മല്ലികാർജുന ഖാർഗെയുടെ നേതൃത്വത്തിൽ എം.എൽ.എമാരുടെയും മുതിർന്ന നേതാക്കളുടെയും ഘടകകക്ഷികളുടെയും അഭിപ്രായം തേടിയ രീതി തന്നെ ഇത്തവണയും പിന്തുടരുമെന്നാണ് തന്റെ വിശ്വാസമെന്ന് അദ്ദേഹം അഭിപ്രായപ്പെട്ടു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
