തിരുവനന്തപുരം: യുണിടാക്‌ എംഡിയുടെ മൊഴിമാറ്റത്തോടെ പ്രതിപക്ഷ നേതാവിനെ അപമാനിക്കന്‍ സിപിഎം മെനഞ്ഞ കെട്ടുകഥ പൊളിഞ്ഞെന്ന്‌ കെപിസിസി പ്രസിഡന്റ്‌ മുല്ലപ്പള്ളി രാമചന്ദ്രന്‍.
ഐ ഫോണ്‍ കേസുമായി ബന്ധപ്പെട്ട്‌ വസ്‌തുതാ വിരുദ്ധ പ്രസ്‌താവന നടത്തിയ സിപിഎം സംസ്ഥാന സെക്രട്ടറിക്ക്‌ യുണിടാക്‌ എംഡിയുടെ പുതിയ വെളിപ്പെടുത്തലിന്റെ പശ്ചാത്തലത്തില്‍ എന്താണ്‌ പറയാനുള്ളത്‌.
രാഷ്ട്രീയ സത്യസന്ധത ഉണ്ടെങ്കില്‍ ഐ ഫോണ്‍ ഏത്‌ ഉന്നത സിപിഎം നേതാവിന്റെ വീട്ടിലാണ്‌ ഉള്ളതെന്ന്‌ വെളിപ്പെടുത്താന്‍ പാര്‍ട്ടി സെക്രട്ടറി തയ്യാറാകണം. അതോടെ സംശയത്തിന്റെ പുകമറ പൂര്‍ണ്ണമായും മാറും. ഒരു ഫോണ്‍ കോള്‍ കൊണ്ട്‌ അത്‌ ആരുടെ പക്കലാണെന്ന്‌ പാര്‍ട്ടി സെക്രട്ടറിക്ക്‌ അറിയാവുന്നതെയുള്ളൂവെന്നും മുല്ലപ്പള്ളി പരിഹസിച്ചു.
