കോട്ടയം: മുണ്ടക്കയത്ത് മകന്‍ വൃദ്ധദമ്പതികളെ പൂട്ടിയിട്ട് അച്ഛന്‍ മരിച്ച സംഭവത്തില്‍ മകന്‍ റെജി കുമാറിനെ പോലീസ് കസ്റ്റഡിയിലെടുത്തു. ഇയാള്‍ക്കെതിരെ മനപൂര്‍വ്വമല്ലാത്ത നരഹത്യയ്ക്ക് പോലീസ് കേസെടുത്തു. റെജികുമാര്‍ ശരിയായി പരിചരിക്കാത്തത് കൊണ്ടാണ് പൊടിയന്‍ മരിച്ചതെന്ന് പോലീസ് പറയുന്നു.
ഇന്നലെയാണ് കോട്ടയം മുണ്ടക്കയം അസംബനിയില്‍ തൊടിയില്‍ വീട്ടില്‍ പൊടിയന്‍ മരിച്ചത്. മാനസിക നില തെറ്റിയ അമ്മയെ കോട്ടയം മെഡിക്കല്‍ കോളേജില്‍ പ്രവേശിപ്പിക്കുകയും ചെയ്തിരുന്നു. ഒരു മാസത്തിലേറെയായി വൃദ്ധ ദമ്പതികള്‍ പട്ടിണിയിലായിരുന്നു. മറ്റാരും വരാതിരിക്കാന്‍ ദമ്പതികള്‍ കിടക്കുന്ന കട്ടിലില്‍ റെജി കുമാര്‍ പട്ടിയെ കെട്ടിയിട്ടതായും കണ്ടെത്തിയിരുന്നു.
