കുറുപ്പംപടി : കണ്ടന്തറ ഭായി കോളനിയില് അന്യസംസ്ഥാന തൊഴിലാളിയെ കൊലപ്പെടുത്താന് ശ്രമിച്ച മൂന്നുപേര് പിടിയില്. മൂര്ഷിദാബാദ് സ്വദേശികളായ മുകുള് (30), സക്കീല്സ് ഷാ (20), കബില്ഷാ (20) എന്നിവരെയാണ് പെരുമ്പാവൂര് പോലീസ് പിടികൂടിയത്. ഇവരുടെ സുഹൃത്ത് കൂടിയായ മൂര്ഷിദാബാദ് സ്വദേശി സലിംഷായെയാണ് കൊലപ്പെടുത്താന് ശ്രമിച്ചത്.
സലിംഷായ്ക്ക് ഒന്നാംപ്രതി മുകുള് രണ്ടായിരംരൂപ നല്കാനുണ്ടായിരുന്നു. ഇത് ചോദിച്ചതിലുള്ള വിരോധത്തില് സംഘംചേര്ന്ന് മര്ദ്ദിച്ച് കൊലപ്പെടുത്താന് ശ്രമിക്കുകയായിരുന്നെന്ന് പോലീസ് പറഞ്ഞു. ഗുരുതരമായി പരിക്കേറ്റ സലിംഷാ സ്വകാര്യ ആശുപത്രിയില് ചികിത്സയിലാണ്. ഇന്സ്പെക്ടര് ആര്.രഞ്ജിത്ത്, എസ്.ഐമാരായ റിന്സ് എം. തോമസ്, ജോസി എം. ജോണ്സണ്, എസ്.സി.പി.ഒമാരായ അഷറഫ്, ഷിബു, സലിം, നൗഷാദ്, ജിഞ്ജു കെ. മത്തായി തുടങ്ങിയവരാണ് അന്വേഷണ സംഘത്തിലുള്ളത്.
