കൊല്ലം : യുവാവിനെ ബൈക്കിടിപ്പിച്ച് കൊലപ്പെടുത്താന് ശ്രമിച്ചയാള് പോലീസിന്റെ പിടിയിലായി. മോശമായി വാഹനം ഓടിക്കുന്നതിനെപ്പറ്റി മോട്ടോര് വെഹിക്കിള് ഉദ്യോഗസ്ഥര്ക്ക് പരാതി നല്കിയതിന്റെ വിരോധത്തിലാണ് ഇയാള് യുവാവിനെ ബൈക്കിടിച്ച് വീഴ്ത്തിയത്. കൊല്ലം ഇരവുപുരം, തേജസ് നഗര് 123ല് വയലില് വീട്ടില് ഉമര് മുക്തറാണ് (21) ഇരവിപുരം പോലീസിന്റെ പിടിയിലായത്. ഇരവിപുരം സ്വദേശി സുധീറിനെയാണ് ഇയാള് ബൈക്കിടിപ്പിച്ച് കൊലപ്പെടുത്താന് ശ്രമിച്ചത്.
കാതടപ്പിക്കുന്ന ശബ്ദത്തില് പ്രതി റോഡിലൂടെ ബൈക്കില് പാഞ്ഞതിനെതിരെ നാട്ടുകാര് മോട്ടോര് വെഹിക്കിള് ഉദ്യോഗസ്ഥര്ക്ക് പരാതി നല്കിയിരുന്നു. ഇത് ചെയ്തത് സുധീറാണെന്ന് തെറ്റിദ്ധരിച്ച് പ്രതിയും സുഹൃത്തുക്കളും ചേര്ന്ന് 24ന് രാവിലെ പഴയാറ്റിന്കുഴി ഭാഗത്ത് വെച്ച് അസഭ്യം പറയുകയും ബൈക്കിടിപ്പിച്ച് കൊലപ്പെടുത്താന് ശ്രമിക്കുകയുമായിരുന്നു. ഒഴിഞ്ഞ് മാറാന് ശ്രമിച്ച സുധീറിനെ പ്രതി ഇരുമ്പ് പൈപ്പ് കൊണ്ട് തലയിലും തോളിലും മര്ദ്ദിച്ച് അവശനാക്കുകയും ചെയ്തു. വിവരം അറിഞ്ഞ ഉടന് ഇരവിപുരം പോലീസ് സ്ഥലത്തെത്തി പ്രതിയെ പിടികൂടുകയായിരുന്നു.
ഇയാള്ക്കെതിരെ കൊലപാതക ശ്രമത്തിന് കേസ്സെടുത്ത് അറസ്റ്റ് രേഖപ്പെടുത്തുകയായിരുന്നു. ഇയാള്ക്കെതിരെ മയക്കുമരുന്ന് കൈവശം വെച്ചതിന് ഇരവിപുരം പോലീസ് സ്റ്റേഷനില് കേസ് നിലവിലുണ്ട്. എസ്.ഐമാരായ അരുണ്ഷാ, ജയേഷ്, സുനില്, സി.പി.ഒ അഭിലാഷ് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.
പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില്
മുന്നിര ചാനലായ പത്തനംതിട്ട മീഡിയയില് ക്ലാസ്സിഫൈഡ് പരസ്യങ്ങള് കുറഞ്ഞ നിരക്കില് നല്കാം. ഓണ് ലൈന് ന്യൂസ് പോര്ട്ടല് ആയതിനാല് നിങ്ങളുടെ പരസ്യം ക്ഷണനേരംകൊണ്ട് ലോകമെങ്ങും കാണും. വസ്തു, വീട്, വാഹനങ്ങള് എന്നിവ വാങ്ങാനും വില്ക്കാനും വീട് /ഓഫീസ് എന്നിവ വാടകയ്ക്ക് നല്കുവാനും, വാടകയ്ക്ക് എടുക്കുവാനും ഇടനിലക്കാരില്ലാതെ സാധിക്കും. കളര് ഫോട്ടോസ് ഉള്പ്പെടെയുള്ള പരസ്യത്തിന് 2000 രൂപ മാത്രം. ഒരുമാസം ഈ പരസ്യം പോര്ട്ടലില് ഉണ്ടാകും. ആവശ്യമെങ്കില് ഈ പരസ്യം വീണ്ടും പുതുക്കാം. ഇതിന് ഒരു മാസത്തേക്ക് 1000/ രൂപ മാത്രം. കൂടുതല് വിവരങ്ങള്ക്ക് 94473 66263, 85471 98263 വിളിക്കുക.
