24.6 C
Pathanāmthitta
Saturday, June 18, 2022 1:36 am

മധ്യവയസ്കനെ കൊലപ്പെടുത്താൻ ശ്രമിച്ച കേസിൽ അറസ്റ്റ്

പത്തനംതിട്ട : മധ്യവയസ്കനെ കൊലപ്പെടുത്താൻ ശ്രമിച്ച കേസിൽ അറസ്റ്റ്. വാര്യാപുരത്ത് പ്രവർത്തിക്കുന്ന ഫർണിച്ചർ കടയിലെ ജോലിക്കാരനായ മധ്യവയസ്കനെ കൊലപ്പെടുത്താൻ ശ്രമിച്ചെന്ന കേസിൽ 4 യുവാക്കളെ പോലീസ് അറസ്റ്റ് ചെയ്തു. ഇലന്തൂർ ചായപുന്നയ്ക്കൽ രാഹുൽ കൃഷ്ണൻ, നൂർ കരിം ഷേഖ്, മെഴുവേലി വെള്ളിക്കര ജിത്ത് ജോൺ ജോസഫ്, ശ്രീകൃഷ്ണപുരം ശിവവരദൻ എന്നിവരെയാണ് പ്രത്യേക അന്വേഷണസംഘം അറസ്റ്റ് ചെയ്തത്. പ്രതികളെ കോടതിയിൽ ഹാജരാക്കി റിമാൻഡ് ചെയ്തു.

ഡിവൈഎസ്പി എസ്.നന്ദകുമാറിന്റെ നേതൃത്വത്തിൽ പത്തനംതിട്ട പോലീസ് ഇൻസ്പെക്ടർ ജിബു ജോൺ, സബ് ഇൻസ്‌പെക്ടർമാരായ വിഷ്ണു, ഷൈജു, സിപിഒ രതീഷ്, ഷാനവാസ്‌ സനൽ എന്നിവരടങ്ങിയ സംഘമാണ് പ്രതികളെ പിടികൂടിയത്. ഇന്നലെ രാവിലെയാണ് കേസ് റജിസ്റ്റർ ചെയ്തത്. അന്വേഷണം ഊർജിതമാക്കിയതിനെ തുടർന്ന് മണിക്കൂറുകൾക്കകം പ്രതികളെ വീടുകളിൽ നിന്ന് പിടികൂടുകയായിരുന്നു.

- Advertisment -
- Advertisment -
Advertisment
- Advertisment -

Most Popular