കറുകച്ചാല് : യുവാവിനെ ബിയര്കുപ്പികൊണ്ട് തലക്കടിച്ച് കൊലപ്പെടുത്താന് ശ്രമിച്ച കേസിലെ പ്രതിയെ പിടികൂടി. പത്തനംതിട്ട മല്ലപ്പള്ളി സ്വദേശി ആല്ബിന് തോമസി (21) നെയാണ് കറുകച്ചാല് പോലീസ് അറസ്റ്റ് ചെയ്തത്. പ്രതി കഴിഞ്ഞദിവസം കറുകച്ചാല് ജങ്ഷന് സമീപത്തെ ബാറില് ജോബിന് മാത്യു എന്നയാളുമായി വാക്തര്ക്കത്തില് ഏര്പ്പെടുകയും തുടര്ന്ന് ആല്ബിന് ബിയര്കുപ്പി കൊണ്ട് ജോബിന്റെ തലക്ക് അടിക്കുകയുമായിരുന്നു.
സംഭവത്തിനു ശേഷം ഇയാള് ബാറില് ഭീകരാന്തരീക്ഷം സൃഷ്ടിക്കുകയും തുടര്ന്ന് പോലീസെത്തി പ്രതിയെ പിടികൂടുകയുമായിരുന്നു. മണിമല, നെടുമുടി, പുളിങ്കുന്ന്, കീഴ് വായ്പൂര്, കറുകച്ചാല് സ്റ്റേഷനുകളില് വധശ്രമം, തട്ടിക്കൊണ്ടുപോകല്, ദേഹോപദ്രവം, കഞ്ചാവ് ഉപയോഗം തുടങ്ങി നിരവധി കേസുകളില് പ്രതിയാണ് ഇയാള്. എസ്.ഐമാരായ അനില് കുമാര്, ഗോപകുമാര്, സി.പി.ഒമാരായ ബിജു, രതീഷ് എന്നിവര് അന്വേഷണസംഘത്തില് ഉണ്ടായിരുന്നു.
