കല്ലറ : ഭാര്യയുടെ ബന്ധുവായ യുവാവിനെ കുത്തിക്കൊലപ്പെടുത്താന് ശ്രമിച്ച യുവാവ് അറസ്റ്റില്. കല്ലറ കെ.ടി കുന്ന് എം.ജി കോളനിയില് ബിജുവിനെ (40) കത്തികൊണ്ട് കുത്തിയ കാട്ടുംപുറം കൊല്ലുവിള സ്വദേശി സനുവിനെയാണ് (36) പാങ്ങോട് പോലീസ് അറസ്റ്റുചെയ്തത്. സനുവും ഭാര്യയും തമ്മില് കഴിഞ്ഞ ഒരുവര്ഷമായി പിണക്കത്തിലാണ്.
സനുവിന്റെ ഭാര്യയുടെ വീട്ടില് ബിജു സ്ഥിരമായി വരാറുണ്ടെന്ന വിവരത്തിന്റെ അടിസ്ഥാനത്തില് കഴിഞ്ഞദിവസം രാത്രി ഒന്നോടെ സനു അവിടെയെത്തുകയായിരുന്നു. ഈ സമയം വീടിന്റെ വരാന്തയില് ബിജു കിടന്നുറങ്ങുന്നതുകണ്ട് പ്രകോപിതനായി കഴുത്തില് കുത്തുകയായിരുന്നു. ബിജുവിനെ ഉടന് തന്നെ മെഡിക്കല് കോളേജ് ആശുപത്രിയില് പ്രവേശിപ്പിച്ചു.
