കോഴിക്കോട് : ഏഴ് വർഷം മുൻപ് തട്ടിക്കൊണ്ടുപോയി മർദ്ദിച്ച കേസിൽ കോടതി വിചാരണ നടക്കാനിരിക്കെ ഇരയ്ക്ക് നേരെ വീണ്ടും വധശ്രമം. നേരത്തെ സ്വർണക്കടത്ത് ക്യാരിയറായിരുന്ന അബ്ദുൾ അസീസിന് നേരെയാണ് കഴിഞ്ഞ ദിവസം അക്രമ ശ്രമം ഉണ്ടായത്. ഓമശ്ശേരി സ്വദേശിയാണ് അബ്ദുൾ അസീസ്. രാമനാട്ടുകര സ്വർണക്കടത്ത് കേസിലെ പ്രതിയായ ഷിഹാബ് എന്നയാളാണ് നേരത്തെ അസീസിനെ പോലീസ് ചമഞ്ഞ് തട്ടിക്കൊണ്ട് പോയത്. ഈ കേസിലെ വിചാരണ നടക്കാനിരിക്കെയാണ് വീണ്ടും അക്രമമുണ്ടായത്. കൊടുവള്ളി പോലീസ് കേസെടുത്തു.
