ചേര്ത്തല: സഹോദരി ഭര്ത്താവിനെ കൊലപ്പെടുത്താന് ശ്രമിച്ച കേസില് യുവാവ് അറസ്റ്റില്. നിരവധി കേസുകളില് പ്രതിയായ ചേര്ത്തല തെക്ക് പഞ്ചായത്ത് ചിറയില് സുധീഷ് (വെരുക് സുധീഷ് -34)നെ ആണ് പോലിസ് അറസ്റ്റ് ചെയ്തത്. ഇയാളുടെ സഹോദരി ഭര്ത്താവായ ചേര്ത്തല തെക്ക് പഞ്ചായത്ത് 15ാം വാര്ഡ് പടിഞ്ഞാറെ ആഞ്ഞിലിക്കാട്ട് വീട്ടില് അനീഷിനെ (37) കൊലപ്പെടുത്താന് ശ്രമിച്ച കേസിലാണ് അര്ത്തുങ്കല് പോലീസ് അറസ്റ്റ് ചെയ്തത്.
2021 ഡിസംബര് എട്ടിന് രാത്രി ചക്കനാട്ട് ക്ഷേത്രത്തിന് സമീപമായിരുന്നു സംഭവം. കോടാലി കൊണ്ട് അനീഷിനെ തലക്ക് വെട്ടുകയായിരുന്നുവെന്ന് പോലീസ് പറഞ്ഞു. സുധീഷിന്റെ സഹോദരിയുടെ ഭര്ത്താവാണ് അനീഷ്. അര്ത്തുങ്കല്, മാരാരിക്കുളം പോലീസ് സ്റ്റേഷനുകളിലായി, കൊലപാതകം അടക്കം 19 കേസുകളില് സുധീഷ് പ്രതിയാണെന്ന് പോലീസ് അറിയിച്ചു. ഇതിന് മുമ്പ് രണ്ട് തവണ സുധീഷിനെ കാപ്പ നിയമപ്രകാരം അറസ്റ്റ് ചെയ്തിരുന്നു. അര്ത്തുങ്കല് പോലീസ് ഇന്സ്പെക്ടര് പി.ജി. മധു, എസ്.ഐ അനില്കുമാര് എസ്.സി.പി.ഒ ശ്യാം, സി.പി.ഒ.സുധീഷ് എന്നിവര് ചേര്ന്നാണ് സുധീഷിനെ പിടികൂടിയത്. കോടതിയില് ഹാജരാക്കിയ സുധീഷിനെ റിമാന്ഡ് ചെയ്തു.
