ഡല്ഹി: രാജ്യതലസ്ഥാനത്തും നരബലി. ദേവപ്രീതിക്കായി ആറ് വയസുള്ള ബാലനെ ലഹരിക്ക് അടിമകളായ യുവാക്കള് നഗരമധ്യത്തില് കഴുത്തറുത്ത് കൊന്നു. കഞ്ചാവിന്റെ ലഹരിയില് രണ്ട് യുവാക്കള് ചേര്ന്നാണ് കുഞ്ഞിനെ കഴുത്തറുത്ത് കൊന്നത്. അതിസമ്പന്നരാകാന് വേണ്ടിയാണ് കുഞ്ഞിനെ ബലി കൊടുത്തതെന്നായിരുന്നു ചോദ്യം ചെയ്യല്ലില് യുവാക്കള് പറഞ്ഞത്.
ലോധി കോളനിയിലായിരുന്നു ഈ സംഭവം. ഇവിടെ സിബിഐ ആസ്ഥാനത്തിന് തൊട്ടടുത്തായി രണ്ടരയേക്കറില് സിആര്പിഎഫിനായുള്ള ആസ്ഥാന മന്ദിരത്തിന്റെ നിര്മ്മാണം പുരോഗമിക്കുകയാണ്. കെട്ടിട നിര്മ്മാണ ജോലിക്കായി ഇവിടെയെത്തിയ ഉത്തര് പ്രദേശ് ബറേലി സ്വദേശിയായ അശോക് കുമാറിന്റെ ആറുവയസുള്ള മകനായ ധര്മേന്ദ്രയെയാണ് കഴിഞ്ഞ രണ്ടിന് കഴുത്തറുത്ത് കൊല്ലപ്പെട്ട നിലയില് കണ്ടെത്തിയത്. പണക്കാരനാകാന് കുട്ടിയെ ബലി നല്കണമെന്ന് വെളിപാടുണ്ടായെന്നും തുടര്ന്ന് കൊന്നെന്നുമാണ് പ്രതികള് പോലീസിന് നല്കിയ മൊഴി.
