ചെന്നൈ : അമ്മയുടെ മൃതദേഹം വീപ്പയിലാക്കി മകന് കോണ്ക്രീറ്റ് ചെയ്തു. ചെന്നൈ നിലങ്കരൈയിലാണ് ക്രൂര സംഭവം. മരിച്ച ശെമ്പകത്തിന് (86) സുരേഷ്, ബാബു എന്നീ രണ്ട് മക്കളാണ് ഉള്ളത്. ഇവരില് സുരേഷിനൊപ്പമായിരുന്നു ശെമ്പകത്തിന്റെ താമസം. മറ്റൊരു മകനായ ബാബു ഇവരുടെ വീടിന് അടുത്തുള്ള വീട്ടിലാണ് താമസിക്കുന്നത്. കുറച്ചു ദിവസങ്ങളായി മാതാവിനെ കാണാത്ത വിവരം അയല്വാസിയായ സഹോദരന് അന്വേഷിച്ചപ്പോള് പ്രതികരിക്കാന് സുരേഷ് തയ്യാറായിരുന്നില്ല. തുടര്ന്ന് ഇന്നലെ മാതാവിനെ കാണാന് വീട്ടിലേക്ക് എത്തിയ ബാബുവും സുരേഷും തമ്മില് വാക്കുതര്ക്കമുണ്ടായി.
തുടര്ന്നാണ് മാതാവിനെ കാണാനില്ലെന്ന് ബാബു പോലീസില് അറിയിച്ചത്. പരാതിയുടെയും ബാബുവില് നിന്നും ലഭിച്ച വിവരങ്ങളുടെയും അടിസ്ഥാനത്തില് നിലങ്കരൈ പോലീസ് സുരേഷിനെ ചോദ്യം ചെയ്യുകയായിരുന്നു. ആരോഗ്യനില മോശമായതിനെ തുടര്ന്ന് ഏതാനും ദിവസങ്ങള്ക്ക് മുമ്പ് അമ്മ മരിച്ചിരുന്നുവെന്നും വീട്ടിലെ വീപ്പയിലാക്കി മൃതദേഹം മറവ് ചെയ്തെന്നും ചോദ്യം ചെയ്യലില് സുരേഷ് അന്വേഷണസംഘത്തോട് പറഞ്ഞു. മൃതദേഹം പുറത്തെടുത്ത് പോസ്റ്റ്മോര്ട്ടം നടപടികള്ക്കായി രായപ്പേട്ട് സര്ക്കാര് ആശുപത്രിയിലേക്ക് മാറ്റിയിരിക്കുകയാണ്. സംഭവത്തില് കേസ് എടുത്ത നിലങ്കരൈ പോലീസ് കൂടുതല് അന്വേഷണം ആരംഭിച്ചിട്ടുണ്ട്.