വൈക്കം : മദ്യലഹരിയില് സഹോദരനെ കുത്തിക്കൊലപ്പെടുത്തിയ കേസില് ജയിലിലായിരുന്ന ജേഷ്ഠന് ജാമ്യത്തിലിറങ്ങിയശേഷം വിഷം കഴിച്ച് ആത്മഹത്യ ചെയ്തു. സഹോദരന് റെബിനെ കൊലപ്പെടുത്തിയ കേസിലെ പ്രതിയായ വൈക്കപ്രയാര് വിപിന് (34) ആണ് മരിച്ചത്. തിങ്കളാഴ്ച ഉച്ചയോടെയാണ് സംഭവം. ജാമ്യത്തിലിറങ്ങിയ വിപിനെ ബന്ധുക്കള് അവശനിലയില് കണ്ടെത്തുകയായിരുന്നു. ഉടന് കോട്ടയം മെഡിക്കല് കോളേജ് ആശുപത്രിയില് എത്തിച്ചെങ്കിലും ഇന്നലെ വൈകുന്നേരത്തോടെ മരിക്കുകയായിരുന്നു. കഴിഞ്ഞ ജൂലൈ 16-ന് രാത്രി മദ്യപിച്ചശേഷം ഉണ്ടായ കലഹത്തിനിടയില് സഹോദരന്റ കുത്തേറ്റ് റെബിന് മരിക്കുകയായിരുന്നു.
