തിരുവനന്തപുരം: പ്രശസ്ത സംഗീത സംവിധായകന്‍ മുരളി സിതാരയെ ജീവനൊടുക്കിയ നിലയില്‍ കണ്ടെത്തി. 65 വയസായിരുന്നു. തിരുവനന്തപുരം വട്ടിയൂര്‍കാവിലെ വീട്ടിലാണ് അദ്ദേഹത്തെ തൂങ്ങി മരിച്ച നിലയില്‍ കണ്ടെത്തിയത്. അകത്ത് നിന്നും പൂട്ടിയ മുറി തുറക്കാതെ വന്നതോടെ മകന്‍ എത്തി വാതില്‍ ചവിട്ടി തുറന്നപ്പോഴാണ് മൃതദേഹം കണ്ടെത്തിയത്. പോസ്റ്റുമോര്‍ട്ടത്തിന് ശേഷം മൃതദേഹം ഇന്ന് വീട്ടുവളപ്പില്‍ സംസ്‌കരിക്കും. ആകാശവാണിയില്‍ സീനിയര്‍ മ്യൂസിക് കമ്പോസറായിരുന്നു മുരളി. 1987ലെ തീക്കാറ്റ് എന്ന സിനിമയിലെ ഗാനത്തിന് ഈണം നല്‍കിക്കൊണ്ടാണ് മുരളി സിനിമമേഖലയില്‍ എത്തിയത്. തുടര്‍ന്ന് ഒരുപിടി സിനിമകളില്‍ ഹിറ്റ് ഗാനങ്ങള്‍ സമ്മാനിച്ചു.
