എറണാകുളം : മുത്തൂറ്റ് ഫിനാന്സിനെതിരെ പ്രക്ഷോഭവുമായി നിക്ഷേപകര്. എറണാകുളം നഗരത്തില് കുര്യന് ടവറില് പ്രവര്ത്തിക്കുന്ന മുത്തൂറ്റ് ശാഖയിലാണ് എന്.സി.ഡി നിക്ഷേപം സംബന്ധിച്ച് തര്ക്കങ്ങളും പ്രതിഷേധങ്ങളും അരങ്ങേറിയത്. എം.ജോര്ജ്ജ് ഗ്രൂപ്പിന്റെയാണ് സ്ഥാപനം. മാനേജറെ കാണണം എന്നാവശ്യപ്പെട്ട് എത്തിയ നിക്ഷേപകരെ പോലീസിനെ ഉപയോഗിച്ച് പ്രതിരോധിക്കാന് ശ്രമം നടത്തുന്നു എന്നാണ് വൈറലാകുന്ന വീഡിയോയില് നിക്ഷേപകന് പറയുന്നത്.
മുത്തൂറ്റിന്റെ കൊച്ചി ശാഖയില് തൊഴിലാളികളുമായി കയ്യാങ്കളിവരെ എത്തിയ സംഭവവും മുന്കാലങ്ങള് ഉണ്ട്. ഇപ്പോള് പുറത്തു വന്ന സാമ്പത്തിക തട്ടിപ്പിന്റെ വീഡിയോ ദൃശ്യങ്ങളില് ഏറണാകുളത്തെ ശാഖയ്ക്കു മുന്നില് നിക്ഷേപകര് മുദ്രാവാക്യം വിളിക്കുന്നതും കാണാം. പോലീസും നിയമവും മുത്തൂറ്റ്കാര്ക്ക് കൂട്ടു നില്ക്കുകയാണെന്നും നിക്ഷേപകര് ആരോപിക്കുന്നു.
