പന്തളം : മുട്ടാർ റസിഡൻസ് അസോസിയേഷന്റെ നേതൃത്വത്തിൽ ക്രിസ്തുമസ് – പുതുവത്സര ആഘോഷം സംഘടിപ്പിച്ചു . അന്തരിച്ച മുൻ പ്രധാനമന്ത്രി ഡോ. മൻമോഹൻ സിംഗ്, പ്രശസ്ത സാഹിത്യകാരൻ എം ടി വാസുദേവൻ നായർ എന്നിവരുടെ അനുസ്മരണ സമ്മേളനവും നടത്തി. മുട്ടാർ റസിഡൻസ് അസോസിയേഷൻ പ്രസിഡൻറ് ഇ എസ് നുജുമുദീന്റെ അധ്യക്ഷതയിൽ കൂടിയ യോഗം അറത്തിൽ സെൻറ് ജോർജ് ഓർത്തഡോക്സ് മഹാ ഇടവക വികാരി ഫാദർ മാത്യൂ എബ്രഹാം കാരയ്ക്കൽ ക്രിസ്തുമസ് – പുതുവത്സര സന്ദേശം നൽകി ഉദ്ഘാടനം ചെയ്തു.
അസോസിയേഷൻ സെക്രട്ടറി വൈ റഹിം റാവുത്തർ സ്വാഗതം ആശംസിച്ചു. നഗരസഭ കൗൺസിലർമാരായ രത്നമണി സുരേന്ദ്രൻ, കെ വി ശ്രീദേവി, സുനിതാ വേണു, അസോസിയേഷൻ രക്ഷാധികാരി അബ്ദുൽസലാം റാവുത്തർ , ട്രഷറർ തോമസ് കുഞ്ഞുകുട്ടി , കെ ജി ജനാർദ്ദനൻ, മുഹമ്മദ് ഷാ, സുനി സാമുവൽകുട്ടി, ലില്ലിക്കുട്ടി, മുജീബുദ്ധീൻ, നിസ ഷാജി, ജോസ് ഡാനിയൽ മീനത്തേതിൽ, അഹമ്മദ് കബീർ, അബ്ദുൽസലാം, ഷാജഹാൻ, ഷീന ശാലു, ഹസീന റഹ്മത്ത്, സജ്നാ സക്കീർ തുടങ്ങിയവർ ക്രിസ്തുമസ്- പുതുവത്സര ആശംസകൾ നൽകി. അറത്തിൽ സെൻറ് ജോർജ് മഹാ ഇടവക ഗായക സംഘത്തിന്റെ ഗാനാലാപനവും ഉണ്ടായിരുന്നു.
