തിരുവനന്തപുരം: എഐ ക്യാമറയുമായി ബന്ധപ്പെട്ട് വിവാദങ്ങളില് മറുപടിയുമായി സിപിഎം. എഐ ക്യാമറ പദ്ധതിയില് നയാപൈസയുടെ അഴിമതിയുണ്ടായിട്ടില്ലെന്നും സംസ്ഥാന സെക്രട്ടറി എംവി ഗോവിന്ദന് വ്യക്തമാക്കി. 100 കോടിയുടെ അഴിമതിയെന്നാണ് പ്രതിപക്ഷ നേതാവ് വി ഡി സതീശന് പറയുന്നത്. 132 കോടിയുടെ അഴിമതിയെന്നാണ് മുന് പ്രതിപക്ഷ നേതാവ് രമേശ് ചെന്നിത്തല പറയുന്നത്. പ്രതിപക്ഷ നേതൃത്വത്തിന് വേണ്ടി കോണ്ഗ്രസില് വടംവലിയാണ്. ആദ്യം അഴിമതി വിവരത്തില് കോണ്ഗ്രസ് യോജിപ്പ് ഉണ്ടാക്കട്ടേയെന്നും ഗോവിന്ദന് പറഞ്ഞു. യുഡിഎഫും മാധ്യമങ്ങളും സേഫ് കേരള പദ്ധതി മുന്നിര്ത്തി വ്യാപക പ്രചാരവേല നടത്തുകയാണ്. പദ്ധതി പ്രവര്ത്തനങ്ങള് കണ്ടില്ലെന്ന് നടിക്കാന് ബോധപൂര്വ്വം ശ്രമം നടക്കുന്നുവെന്നും ഗോവിന്ദന് ആരോപിച്ചു.
മന്ത്രിസഭാ തീരുമാനം അനുസരിച്ചാണ് നടപടികളുണ്ടായത്. ഉപകരാര് വ്യവസ്ഥ കെല്ട്രോണിന്റെ ടെണ്ടര് രേഖയിലുണ്ട്. മോട്ടോര് വാഹന നിയമം നടപ്പാക്കാന് സുപ്രീം കോടതി നര്ദ്ദേശിച്ചത് അനുസരിച്ചാണ് പദ്ധതി തയ്യാക്കിയത്. കെല്ട്രോണിനെ അനാവശ്യ വിവാദത്തിലേത്ത് വലിച്ചിഴക്കുന്നു. ഡാറ്റാ സുരക്ഷ കെല്ട്രോണിന്റെ ചുമതലയെന്നും ഗോവിന്ദന് പറഞ്ഞു.
