തൃശൂര്: അടുത്ത ലോക്സഭാ തെരഞ്ഞെടുപ്പിനു ശേഷം രാജ്യത്ത് വലിയ ഭിന്നിപ്പിനായിരിക്കും ആര് എസ് എസ് ശ്രമമെന്ന് സിപിഎം സംസ്ഥാന സെക്രട്ടറി എം.വി.ഗോവിന്ദന്. എല്ഡിഎഫ് മുന്നണിപോലൊന്നു മാത്രമാണു രാജ്യത്തെ ഈ അപകടത്തില്നിന്നു രക്ഷിക്കാനുള്ള ഏക മാര്ഗമെന്നും അദ്ദേഹം പറഞ്ഞു.തൃശൂരില് ഡിസംബര് 13 മുതല് 16 വരെ നടക്കുന്ന ഓള് ഇന്ത്യ കിസാന് സഭ അഖിലേന്ത്യാ സമ്മേളനത്തിന്റെ സ്വാഗതസംഘ രൂപവത്കരണ യോഗം ഉദ്ഘാടനം ചെയ്യുകയായിരുന്നു അദ്ദേഹം.
കോണ്ഗ്രസിനെക്കൊണ്ട് ഒന്നും ചെയ്യാന് കഴിയാത്ത സ്ഥിതിയാണ്. ഇടതുമുന്നണിക്കെതിരേ രാഹുല് ഒന്നും പറഞ്ഞിട്ടില്ല. ചില്ലറ കുഴിയുടെ കാര്യമൊക്കെയാണു സര്ക്കാരിനെതിരെ പറയുന്നത്. അതില് വലിയ കാര്യമില്ലെന്ന് എല്ലാവര്ക്കുമറിയാമെന്നും ഗോവിന്ദന് പറഞ്ഞു.
