തിരുവനന്തപുരം : സംസ്ഥാനത്ത് തല്‍ക്കാലത്തേക്ക് മദ്യത്തിന്റെ ഹോം ഡെലിവറി തുടങ്ങില്ലെന്ന് എക്സൈസ് മന്ത്രി എം.വി ഗോവിന്ദന്‍. ഹോം ഡെലിവറി തുടങ്ങണമെങ്കില്‍ നയപരമായ തീരുമാനം വേണമെന്നും അദ്ദേഹം പറഞ്ഞു. ബെവ്കോ എം.ഡിയുമായി എക്സൈസ് മന്ത്രി ചര്‍ച്ച നടത്തി.
അതേസമയം മദ്യവിതരണത്തിനായി ആപ് പുനഃസ്ഥാപിക്കുന്നത് സര്‍ക്കാര്‍ സജീവമായി പരിഗണിക്കുന്നുണ്ട്. കേരളത്തില്‍ മദ്യത്തിന്റെ ഹോം ഡെലിവറി തുടങ്ങുമെന്ന് നേരത്തെ റിപ്പോര്‍ട്ടുകളുണ്ടായിരുന്നു. ബിവറേജസ് കോര്‍പ്പറേഷന്‍ ഇതുസംബന്ധിച്ച്‌ സര്‍ക്കാരിന് റിപ്പോര്‍ട്ട് സമര്‍പ്പിച്ചതായും സൂചനയുണ്ടായിരുന്നു. ആദ്യഘട്ടത്തില്‍ തിരുവനന്തപുരം, കൊച്ചി എന്നിവിടങ്ങളില്‍ ഹോം ഡെലിവറി തുടങ്ങാന്‍ ബെവ്കോ ഒരുങ്ങുന്നുവെന്നായിരുന്നു റിപ്പോര്‍ട്ടുകള്‍.
