പത്തനംതിട്ട : മൈലപ്ര സര്വീസ് സഹകരണ ബാങ്കില് വായ്പാ കുടിശ്ശിക വരുത്തിയതിനെ തുടര്ന്ന് ജപ്തി ചെയ്ത വസ്തുവകകളുടെ ലേല നടപടികള് ഓഗസ്റ്റ് 5ന് ആരംഭിക്കുമെന്ന് ബാങ്ക് പ്രസിഡന്റ് ജെറി ഈശോ ഉമ്മന് പറഞ്ഞു. ആകെ ഒന്പത് വായ്പകളുടെ നടപടികളാണ് ആദ്യ ഘട്ടത്തില് നടക്കുന്നത്. ഈ ലേല നടപടികളിലൂടെ ബാങ്കിന് ലഭിക്കുന്നത് 3.64 കോടിയോളം രൂപയാണ്. ചെറിയ തുകകള് അത്യാവശ്യക്കാര്ക്ക് മടക്കി നല്കുവാന് ഇതിലൂടെ കഴിയും. വായ്പാ കുടിശ്ശിക കര്ശനമായി പിരിച്ചെടുക്കുമെന്നും ആരോടും വിട്ടുവീഴ്ച ചെയ്യില്ലെന്നും പ്രസിഡന്റ് പറഞ്ഞു. നിക്ഷേപകരുടെ ആരുടേയും പണം നഷ്ടപ്പെടില്ല, എന്നാല് ഇത് മടക്കിനല്കുവാന് സാവകാശം വേണം. നിക്ഷേപകര് അനാവശ്യമായി തിരക്ക് കൂട്ടിയാല് ബാങ്കിന് സുഗമമായി പ്രവര്ത്തിക്കുവാന് കഴിയില്ല. ഇത് പണം മടക്കിനല്കുന്നതിന് കാലതാമസം വരുത്തും. ഇപ്പോഴുണ്ടായ പ്രതിസന്ധി താല്ക്കാലികം മാത്രമാണെന്നും നിക്ഷേപകര് പൂര്ണ്ണമായി സഹകരിച്ചാല് വളരെ പെട്ടെന്ന് ഇത് തരണം ചെയ്യുവാന് കഴിയുമെന്നും പ്രസിഡന്റ് ജെറി ഈശോ ഉമ്മന് പറഞ്ഞു.
511/18, 506/18, 01/2020, 02/2020, 03/2020 എന്നീ അഞ്ചു വായ്പകളിന്മേല് ജപ്തി ചെയ്ത വസ്തുവകകളുടെ പരസ്യ ലേലം ഓഗസ്റ്റ് 5ന് രാവിലെ 11 മണിക്ക് മൈലപ്ര സര്വീസ് സഹകരണ ബാങ്കിന്റെ കേന്ദ്ര ഓഫീസില് വെച്ച് നടക്കും. ഈ ലേലത്തിലൂടെ രണ്ടുകോടി പന്ത്രണ്ട് ലക്ഷത്തിലധികം (2,12,63,393) രൂപ ബാങ്കിന് ലഭിക്കും. ഇതില് ഒരാള് മാത്രം ബാങ്കിന് നല്കുവാനുള്ളത് 1.51 കോടിയാണ് (1,51,13,561).
503/18, 504/18, 513/18, 507/18 നാലു വായ്പകളിന്മേല് ജപ്തിചെയ്ത വസ്തുവകകളുടെ ലേലം ഓഗസ്റ്റ് പത്താം തീയതിയാണ്. ഈ ലേലത്തിലെ തുക 1.52 കോടി (1,52,10,948) വരും. ഇതില് ഒരു വായ്പക്ക് മാത്രം 94 ലക്ഷം രൂപ (94,08186) കുടിശ്ശികയുണ്ട്. രാവിലെ 11 മണിക്ക് മൈലപ്രാ കേന്ദ്ര ഓഫീസില് വെച്ചാണ് പരസ്യലേലം നടക്കുന്നത്.
