പത്തനംതിട്ട : മൈലപ്രാ സര്വീസ് സഹകരണ ബാങ്കില് ഇന്ന് നടന്നത് ലേല നടപടികള്. മുന് തീരുമാനപ്രകാരം ആഗസ്റ്റ് 5 നും 10 നുമായിരുന്നു ലേല നടപടികള്. 5 ന് ലേല നടപടികള് ആരംഭിച്ചെങ്കിലും ലേലത്തില് പങ്കെടുക്കാന് വന്നവര് നിരതദ്രവ്യം കെട്ടിവെച്ചിരുന്നില്ല. തുടര്ന്ന് അന്നത്തെ ലേലനടപടികള് പത്താം തീയതി നിശ്ചയിച്ചിട്ടുള്ള ലേലത്തിന് ശേഷം നടത്തുവാന് തീരുമാനിക്കുകയായിരുന്നു.
ഇതിനെത്തുടര്ന്ന് മൈലപ്രാ ബാങ്കിന് മുമ്പില് ഇന്ന് പതിവില്ക്കവിഞ്ഞ് ആളുകള് കൂടിയിരുന്നു. കൂടാതെ ലേലത്തിന്റെ വിവരങ്ങള് അറിയാന് ചില നിക്ഷേപകരും ഇന്ന് എത്തിയിരുന്നു. ചില നിക്ഷേപകര് ബാങ്ക് ജീവനക്കാരോട് തര്ക്കിക്കുകയും ചെയ്തിരുന്നു. ലേല നടപടികളില് പങ്കെടുക്കുവാനും വീക്ഷിക്കുവാനും കൂടുതല് ആളുകള് എത്തുമെന്ന് കണക്കുകൂട്ടി ബാങ്ക് അധികൃതര് പോലീസിന്റെ സഹായവും തേടിയിരുന്നു. ഇതിനെയാണ് നിക്ഷേപകര് ഇന്ന് സമരം നടത്തിയെന്ന നിലയില് ചില മാധ്യമങ്ങള് ഇന്ന് പ്രചരിപ്പിച്ചത്. എന്നാല് ഇന്നത്തെ ലേലവും നടന്നിട്ടില്ല. ചില സാങ്കേതിക പ്രശ്നങ്ങള് മൂലം ലേലം മറ്റൊരു ദിവസത്തേക്ക് മാറ്റിവെക്കുകയായിരുന്നു.