പത്തനംതിട്ട : മൈലപ്ര പഞ്ചായത്തില് ഇന്ന് ബി.ജെ.പി ഹര്ത്താല്. രാവിലെ 6 മണി മുതല് വൈകിട്ട് 6 വരെയാണ് ഹര്ത്താല്. മൈലപ്ര സര്വീസ് സഹകരണ ബാങ്കിലെ അഴിമതി അന്വേഷിക്കണമെന്നാവശ്യപ്പെട്ടുകൊണ്ടാണ് ഹര്ത്താല്. ഇതിനിടെ നൂറ്റി അറുപതോളം നിക്ഷേപകര് സഹകരണ വകുപ്പിന് പരാതി നല്കി. തങ്ങളുടെ നിക്ഷേപം തിരികെ ലഭിക്കുന്നില്ലെന്നും ബാങ്കിലെ അഴിമതി അന്വേഷിക്കണമെന്നും നിക്ഷേപകര് ആവശ്യപ്പെട്ടു.
ബാങ്കിന്റെ സാമ്പത്തിക പ്രതിസന്ധിയില് നിക്ഷേപകര് സഹകരിക്കണമെന്ന് ബാങ്ക് പ്രസിഡന്റ് ജെറി ഈശോ ഉമ്മന് അഭ്യര്ഥിച്ചു. ആരുടേയും പണം നഷ്ടപ്പെടില്ലെന്നും ഇപ്പോഴുണ്ടായ പ്രതിസന്ധി വളരെവേഗം പരിഹരിക്കുമെന്നും അദ്ദേഹം പറഞ്ഞു. ജീവനക്കാര് കുറ്റം ചെയ്തിട്ടുണ്ടെങ്കില് അവരെ സംരക്ഷിക്കില്ലെന്നും വിട്ടുവീഴ്ചയില്ലാത്ത നടപടി സ്വീകരിക്കുമെന്നും ജെറി ഈശോ ഉമ്മന് വ്യക്തമാക്കി.
